‘गीता जयंती उत्सव – ज्ञान, संस्कार आणि अध्यात्मिक मूल्यांचा सुंदर संगम’
महाराष्ट्र सुवार्ता वृत्तसेवा
नाशिक एज्युकेशन सोसायटी संचलित पेठे विद्यालयात गीता जयंती निमित्त आयोजित कार्यक्रम अत्यंत भक्तिमय आणि प्रेरणादायी वातावरणात उत्साहात संपन्न झाला. तर सूत्रसंचालनाची जबाबदारी सोनाली चिंचोली यांनी नेटक्या शैलीत पार पाडली.कार्यक्रमाच्या प्रारंभी मार्गदर्शन पर मनोगत व कार्यक्रमाचे आयोजन शर्मिली खानिवाले तसेच रूपाली ठाकूर यांनी अत्यंत सुंदर पद्धतीने केले व्यक्त केले. भगवद्गीतेतील अध्याय पंधराव्यातील श्लोकांचे भक्तिपूर्वक पठण चिरंजीव पुजारी आणि खानिवाले मॅडम यांनी केले.अध्यात्मिकतेची अनुभूती देणारे हे पठण उपस्थितांना भावले.
कार्यक्रमाचे अध्यक्ष उपमुख्याध्यापक शरद शेळके यांनी गीतेच्या शिकवणीचे शालेय जीवनातील महत्त्व अधोरेखित करत विद्यार्थ्यांना नैतिकता, कर्तव्यपरायणता आणि सकारात्मकता या मूल्यांचा संदेश दिला.विशेष उपक्रमांतर्गत शाळेतील काही विद्यार्थ्यांना अभ्यासासाठी व पाठांतरासाठी भगवद्गीतेच्या प्रती वाटप करण्यात आल्या. या उपक्रमाने विद्यार्थ्यांमध्ये ज्ञान आणि संस्कार यांची नवी प्रेरणा निर्माण केली.कार्यक्रमास मुख्याध्यापक गंगाधर बदादे, उपमुख्याध्यापक शरद शेळके, पर्यवेक्षक भागवत सूर्यवंशी, तसेच सहकार्यवाह शैलेश पाटोळे यांची उपस्थिती लाभली. सर्व मान्यवरांच्या उपस्थितीने कार्यक्रम अधिक अर्थपूर्ण व यशस्वी झाला.गीता जयंतीचा हा उत्सव विद्यार्थ्यांनी ज्ञान, सद्गुण आणि आध्यात्मिकतेच्या दिशेने टाकलेले एक प्रेरणादायी पाऊल ठरला.