वार्षिक स्नेहसंमेलन व पारितोषिक वितरण
महाराष्ट्र सुवार्ता वृत्तसेवा
नाशिक शिक्षण प्रसारक मंडळ, नाशिक संचलित नूतन मराठी शाळा व बालमंदिर इगतपुरी आणि महात्मा गांधी हायस्कूल इगतपुरी येथे दरवर्षा प्रमाणे ह्या वर्षी ४६वी 'वा. श्री. पुराहित नाट्यस्पर्धा' तसेच वार्षिक स्नेहसंमेलन व पारितोषिक वितरण समारंभ उत्साहात संपन्न झाला.
वा. श्री. पुरोहित नाट्यस्पर्धेत नूतन मराठी शाळेच्या शिक्षिका श्रीमती नंदिनी शेवाळे लिखित व दिग्दर्शित केलेले 'आजी २.०' व एम जी हायस्कूलच्या शिक्षिका पानसरे मॅडम लिखित व दिग्दर्शित केलेले 'तू चाल पुढं' या दोन एकांकिका सादर झाल्या.
नाट्यस्पर्धेनंतर पुढील दोन दिवस वार्षिक स्नेहसंमेलन व पारितोषिक वितरण समारंभ दिमाखात पार पडला.
नाट्यस्पर्धेसाठी सहाय्यक दिग्दर्शन म्हणून शाळेचे शिक्षक श्री. धीरज राणे यांनी काम पाहिले तर स्नेहसंमेलनासाठी सुत्रसंचलनाची धुरा श्री. धीरज राणे व श्रीमती उषा शिरसाठ मॅडम यांनी सांभाळली.
सदर उपक्रमासाठी शाळेच्या प्रभारी मुख्याध्यापिका श्रीमती मनिषा क्षत्रीय मॅडम, शाळेचे अधिक्षक प्रसाद चौधरी सर, शालेय समितीचे अध्यक्ष अशोक शेठजी नावंदर, यांचे सहकार्य लाभले.